البطن بستان

ما بيشبهو بعضنْ..

وشربو حليب الأم عا ذات السرير

وترعرعو بأرضنْ.

كانو متل فراخ الحمام

ربيو ســوا...

والأم ذاتا ربتنْ..حضنا دفا وحب وحنانْ.

وتعلموا منـا الوفا .. وداقو الأمانْ..

وكبرو ..

وكل واحد كبر وحدو..

وتلونو..

وتغيرو..

بعضن حمل طبع الوفا..وماهانْ.

وبعضن غدرْ..

ويمكن في بينن نبي..

وشيطانْ..

قديش بيصح المثلْ..

والله "البطن بستانْ".

أوقات بتكون البلد

بيت الأهل..

والناس كلن بالبلد إخوانْ..

ومع هيك وبذات البلد ْ..

وبيعيشو اتنينن سوا..

وحش الفلا .. وإنسانْ.